საგანგებო მდგომარეობის გამოცხადების თემას ეხმიანება ტელეკომპანია “მთავარის” გენერალური დირექტორი. ნიკა გვარამია საგანგებო მდგომარეობის გამოცხადებაში ვერანაირ საფრთხეს და რისკს ვერ ხედავს და საზოგადოებას მოუწოდებს, რომ არასწორი ინტერპრეტაციებით ნუ ზაფრავენ ხალხს:
“ხალხო, ნუ ქმნით საგანგებო მდგომარეობისგან მეორედ მოსვლას და ნუ ხატავთ ლამის ბოსხის ტილოებს და ქუჩაში ეგზეკუციებს! დემოკრატიული მმართველობის საგანგებო რეჟიმია, მკაცრად აწონილი და ადრესირებული! აბა ავტორიტარულ სისტემებს სულ არ ჭირდება საგანგებო მდგომარეობები, ისედაც ეგრეა სულ!
ხვალ შესაძლოა საჭირო გახდეს და წინასწარ ნუ ზაფრავთ ხალხს, ვინც გარკვეული არაა! კი ბატონო, ვიდაოთ საჭიროებაზე, ხანგრძლივობაზე, შეზღუდვების ლეგიტიმურობაზე და პროპორციულობაზე, მაგრამ ჯოჯოხეთის მეცხრე შრედ წარმოსახვა და ლამის კუპრის თუხთუხის ხმა სტატუსებში, უპასუხისმგებლობა და არცოდნაა, სულ მცირე!” – წერს ფეისბუქის პირად გვერდზე ნიკა გვარამია.
