“პოლიტიკური იდიოტიზმის მეტაფიზიკიდან არის ოპოზიციის კატეგორიული უარი შევიდეს პარლამენტში” – ზაალ ანჯაფარიძე

ანალიტიკოს ზაალ ანჯაფარიძის მწვავე პოზიცია-შეფასებები ოპოზიციასთან მიმართებაში:

“ამ ბოლო დღეებში ყველას, მათი პოლიტიკური სიმპათიების მიუხედავად, ჰქონდა საშუალება საკუთარი თვალით ენახა იმ პოლიტიკური იდიოტიზმის მეტაფიზიკა, რაც რადიკალური ოპოზიციისგან მოდიოდა და სამწუხაროდ გაგრძელების პერსპექტივა აქვს.

“სამწუხაროდო”, იმიტომ ვამბობ, რომ მეც და დარწმუნებული ვარ ბევრ ჩვენს მოქალაქეს, სურს იხილოს ის, რასაც ჰქვია ჯანსაღი, აკადემიური, კომპეტენტური თუნდაც ძალიან მწვავე პოლიტიკური ოპონირება, რომელიც შეიძლება რაღაც მომენტში ქუჩაშიც გავიდეს, ოღონდ არა იმ ფორმით და შინაარსით, რასაც დღეს ვხედავთ.

პოლიტიკური იდიოტიზმის მეტაფიზიკიდან არის ოპოზიციის კატეგორიული უარი შევიდეს პარლამენტში, მიუხედავად იმისა, რომ მშვენივრად იციან, რომ არჩევნები წააგეს. ქართული პოლიტიკური იდიოტიზმის მეტაფიზიკას კარგად ხსნის ოპოზიციური პარტიების გაუთავებელი სირბილი ვაშინგტონსა და ბრიუსელში, წერილების წერა და საკუთარი ქვეყნის და მოქალაქეების დასჯის მოთხოვნა სანქციებით.

პოლიტიკური იდიოტიზმის კიდევ ერთი მაგალითია ოპოზიციის დღემდე აქტუალური ნარატივი “ხვალ ჩელიაბინსკში გავიღვიძებთ!” კიდევ რომელი ერთი ჩამოვთვალო.

P.S. დაგეგმილი აქციებიც ამ პოლიტიკური იდიოტიზმის მეტაფიზიკაში ეწერება“, – წერს ფეისბუქის პირად გვერდზე ზაალ ანჯაფარიძე.