“ერთიანობა ნაციონალური მოძრაობის” თავმჯდომარის მოადგილე, იგორ ნარმანია საზოგადოებას 25 ნოემბერს დაგეგმილ საპროტესტო აქციაში აქტიური მონაწილეობისკენ მოუწოდებს:
“ორშაბათს, 25 ნოემბერს, დილიდან უნდა ვიყოთ ძალიან ბევრი, ძალიან ხისტები, რადგან რუსული ოცნების წარმომადგენლებს არ მივცეთ შესაძლებლობა, რომ შეიკრიბონ არალეგიტიმურ პარლამენტში.
არცერთი ევროკავშირის წევრი ქვეყნის ელჩი ამ სხდომას არ დაესწრება, რადგან არ აღიარებენ ამ პარლამენტის ლეგიტიმურობას, ისინი ამბობენ, რომ რუსული სპეცოპერაციით ხალხს წაართვეს არჩევნები.
ამიტომ მნიშვნელოვანია, რომ 25 ნოემბერს ვიყოთ ძალიან ბევრი პარლამენტთან დილიდან, რადგან ეს არის ქვეყნის სამსახური და ჩვენი ერთადერთი მოვალეობაა, რომ არ მივცეთ უფლება არალეგიტიმური პარლამენტის თავიანთი თავისთვის მორგება და ფუნქციონირება” – განაცხადა იგორ ნარმანიამ.
ინფორმაციას “ერთიანობა ნაციონალური მოძრაობის” პრესსამსახური ავრცელებს
