ტელეკომპანია “კავკასიას” გენერალური დირექტორი ნინო ჯანგირაშვილი ცესკოს თავმჯდომარის, გიორგი კალანდარიშვილისთვის შავი საღებავის შესხმის ფაქტს ეხმაურება კონკრეტული შეფასება-მინიშნებებით:
“რა თქმა უნდა, ჯანმრთელობას ვუსურვებ გიორგი კალანდარიშვილს, მაგრამ:
ყურადღებით ვუყურე საღებავის შესხმის ვიდეოს. არცერთ მომენტში თვალისკენ ხელი არ წაუღია, არც არსად ჩანს, რომ თვალში რამე შეესხა. როცა თვალში რაღაც გხვდება და თვალი გეწვის ან გტკივა, ინსტიქტურად რაღაც მოქმედებებს აკეთებ, რაც კალანდარიშვილს არ გაუკეთებია.
ამ ფოტოზეც კარგად ჩანს, რომ თვალი საღებავის შესხმის შემდეგ არის საღსალამათი და აქვს გახელილი. 32 წუთიანი გაუჩინარების დროს რა მოხდა ისეთი, რომ თვალი გადაუსკოჩეს და ისე დააბრუნეს სხდომათა დარბაზში არ ვიცი, მაგრამ ჩემი აზრით ეს არის იაფფასიანი სიმულიანტობა, რომ საღებავის შემსხმელს ბრალი დაუმძიმდეს.
ასე რომ, ვინც მოთქვამთ ახლა ამ კაცზე, რომელმაც ქვეყანას მომავალი დაუსახიჩრა, ხართ აფერისტი ფარისევლები“, – წერს ფეისბუქის პირად გვერდზე ნინო ჯანგირაშვილი.
