ესპანეთის დედაქალაქ მადრიდში გამართულ საბავშვო ევროვიზია 2024-ზე, სადაც 17 ქვეყნის წარმომადგენელი მონაწილეობდა, გამარჯვება მოიპოვა საქართველოს წარმომადგენელმა ანდრია ფუტკარაძემ – 239 ქულით.
ეს გამარჯვება ჩვენი ქვეყნისთვის რიგით მე-4 გამარჯვებაა, რაც საბავშვო ევროვიზიის ისტორიაში ახალი რეკორდია.
საქართველო საბავშვო ევროვიზია 2024-ის გამარჯვებულია. ანდრია ფუტკარაძემ 239 ქულით საქართველოს საბავშვო ევროვიზიაზე მეოთხე გამარჯვება მოუტანა. ამ შედეგით საქართველო კონკურსის რეკორდსმენია.
აღსანიშნავია, რომ საქართველომ 12 ქვეყნისგან უმაღლესი შეფასება – 12 ქულა მიიღო.
ესენია: იტალია, ესტონეთი, ალბანეთი, სომხეთი, კვიპროსი, ესპანეთი, ნიდერლანდები, სან მარინო, უკრაინა, პორტუგალია, ისლანდია, მალტა.
საბოლოო შედეგი კი ასეთია: ანდრია ფუტკარაძემ ჟიურისგან 180 ქულა მიიღო, ხოლო ონლაინ ხმებით – 59 ქულა.
ანდრია ფუტკარაძე მაყურებლების წინაშე გიგა კუხიანიძის სიმღერით – “To My Mom” წარსდგა, რომელი ტექსტზეც მაკა დავითაიამ იმუშავა. ვიდეორგოლი საზოგადოებრივმა მაუწყებელმა გადაიღო, კოსტიუმი კი დიზაინერ იზა ნადარეიშვილს ეკუთვნის.
ინფორმაციისთვის: აღსანიშნავია, რომ ანდრიას დედა ემიგრაციაში და გამარჯვებული ამ წარმატებას მას და ბებიას უძღვნის:
“ჩემი წარმატება მიეძღვნება დედას და ბებოს… ყოველ ჯერზე ვეუბნებოდი, – “დედა, არ წახვიდე, დარჩი”. ახლა ვხვდები, რომ ამას ჩემთვის აკეთებს” – აღნიშნავს ანდრია ფუტკარაძე.
