პარლამენტის ფრაქცია ,,ევროოპტიმისტების” წევრი, რომან გოცირიძე სოციალურ ქსელში სტატუსს აქვეყნებს აფხაზეთში მიმდინარე მოვლენებთან დაკავშირებით:
,,ის, რაც აფხაზეთში ხდება, არ არის მხოლოდ აფხაზური მმართველი კლანისა და რუსეთის “შიდა საქმე”. საკითხი ჩვენი ქვეყნის მიწებისა და ქონების რუსეთის მიერ მიტაცებას ეხება და ჩვენი მხრიდანაც საჭიროა რეაგირება. ხალხი აპროტესტებს იმ კანონის ძალში შესვლას, რომელიც საშუალებას მისცემს რუსულ ბიზნესს სრულიად დაისაკუთროს აფხაზეთის ტერიტორია.
ხელისუფლება ხმის ამომღები რომ არ არის, ეს კარგად ვიცით. ჩვენ მაინც მივაწვდინოთ ხმა საერთაშორისო საზოგადოებას”, – წერს რომან გოცირიძე.
ინფორმაციისთვის: ოკუპირებული აფხაზეთის დე ფაქტო პარლამენტი ამ დღეებში რუსულ-აფხაზური საინვესტიციო ხელშეკრულების რატიფიცირებას გეგმავს, რასაც კატეგორიულად ეწინააღმდეგება ადგილობრივი მოსახლეობა.
ავტორი
ნინი ხიჯაკაძე
