ქართველი მწერალი და დრამატურგი, ლაშა ბუღაძე სოციალურ ქსელში სტატუსს აქვეყნებს, სადაც საუბრობს 26 ოქტომბრის არჩევნებში კონკრეტული ორგანიზაციების დამკვირვებლებთან დაკავშირებით:
,,აი, ამათი კრიმინალები იყვნენ უმთავრესი ამრევები და გამყალბებლები საარჩევნო უბნებზე – ქართული სახელმწიფოს მტრები და დამნაშავეები. მთავარი ბრძოლა ამათ ხალხთან გვიწევდა უბნებზე. წაიკითხეთ!
ცოლ-ქმარ გრიგოლ გაგნიძეს და ეკა აგლაძეს ცალ-ცალკე დამკვირვებლად ჰყავდათ დარეგისტრირებული ორი ორგანიზაცია, რომლებსაც ჯამში 5145 ადამიანი ჰყავდათ აკრედიტირებული ცესკოში.
გრიგოლ გაგნიძის ორგანიზაციას ერქვა „ადვოკატთა და იურისტთა საერთაშორისო ობსერვატორია“ – ცესკოში აკრედიტირებული ჰყავდა 2491 პირი.
მისი ცოლის, ეკა აგლაძის ორგანიზაციას ერქვა „პოლიტიკის და სამართლის ობსერვერი“ – ცესკოში აკრედიტირებული ჰყავდა 2654 აკრედიტირებული პირი.
ამ ხალხის მიერ უბნებზე მივლენილმა “დამკვირვებლის” აკრედიტაციის მქონე პირებმა არც კი იცოდნენ რომელ ორგანიზაციიდან იყვნენ და გაიძახოდნენ “ქართული ოცნებიდან” ან ცესკოდან ვართო.
ამათი 5145 “დამკვირვებლისგან” რამდენი საჩივარი დაიწერა თუ იცით? საჩივრების რეესტრის მიხედვით – 0”, – წერს ლაშა ბუღაძე.
ავტორი
ნინი ხიჯაკაძე
