“ხალხს ისე ძალიან უყვარს შეთქმულებების და ჭორების გარჩევა, სტატუსით ეს როგორ უნდა შევაჩერო?!” – ბაია პატარაია

ქალთა უფლებადამცველი, ბაია პატარაია სოციალურ ქსელში სტატუსს აქვეყნებს, სადაც საუბრობს არჩევნებთან დაკავშირებული ჭორებისა და რეალობის გარჩევისა თუ გავრცელების საკითხთან დაკავშირებით:

,,თუ დარღვევებზე გინდათ საუბარი, ან საკუთარი გამოცდილება გაგვიზიარეთ, რაც თავად იხილეთ, ან სადამკვირვებლო მისიების მონაყოლი გაიმეორეთ. ყველა სხვა, დაუსაბუთებელი ვერსია, არის ჭორი და ძალიან უმარტივდება ,,ოცნებას” მათი გაბათილება და უკიდურესად იდღაბნება სურათი ტყუილსა და მართალს შორის, რითიც ძალიან ხეირობს პროპაგანდა.

რეალური და მასშტაბური გაყალბების სქემები ვიპოვნეთ და ნუ დაეძებთ სხვას ჭორების დონზე. ჩვენ ყველა ვერსიას ვსწავლობთ და ვეძებთ მტკიცებულებებს. გვაქვს სერიოზული აღმოჩენები და იქნებ ამის გარჩევაში და ხალხისთვის ახსნაში დაგვეხმაროთ და არა ჭორების გარჩევაში. ჭორი აძლიერებს პროპაგანდას და ასუსტებს სიმართლეს, არ დაგავიწყდეთ ეს.

თან მგონი ტყუილად ვწერ… ხალხს ისე ძალიან უყვარს შეთქმულებების და ჭორების გარჩევა, სტატუსით ეს როგორ უნდა შევაჩერო?! მაგრამ მე ძალიან ბევრი ჭკვიანი ფბ მეგობარ-გამომწერი მყავს და მაინც მაქვს თქვენი იმედი”, – წერს ბაია პატარაია.

ავტორი
ნინი ხიჯაკაძე