ხელისუფლებასა და ოპოზიციას შორის მიღწეულ შეთანხმებას, საარჩევნო სისტემასთან დაკავშირებით, საქართველოს პარლამენტის წევრი დავით ჭიჭინაძე აცხადებს, რომ შესაბამის საკონსტიტუციო ცვლილებებს მხარს არ დაუჭერს. მისი თქმით ეს არ არის ის მონაპოვარი, რომელიც 20 ივნისის შემდეგ იყო:
“ამ საკანონმდებლო ცვლილებებს მე, თავის დროზეც დავაფიქსირე, მხარს არ დავუჭერ. ჩემგან არ იქნება მხარდაჭერა, იმიტომ რომ არ ვთვლი, ეს არის ის მონაპოვარი, რომელიც 20 ივნისის შემდეგ უნდა დამდგარიყო.
წარმოიდგინეთ, პარტიაზე მეტი ხმა შეიძლება აიღოს მაჟორიტარმა და პარტიას ექნება უფლება, ერთპროცენტიანს და მაჟორიტარს – არ ექნება. ამიტომ ცოტა რაღაც გაუგებარია ამ თვალსაზრისით. მე უფრო მგონია, რომ ვაჭრობის საგანი და მისგან მიღებული შედეგია, ვიდრე რეალობასთან ახლოს მყოფი,” – განაცხადა დავით ჭიჭინაძემ.