ტურიზმის ეროვნული სააგენტოს მიერ გავრცელებული ინფორმაციის თანახმად, თბილისი 2020 წლის „საუკეთესო კულტურულ ქალაქად“ დასახელდა, ბერლინში ჩატარებული კონკურსის შედეგების შესაბამისად.
ბერლინში, LCD Berlin Awards, რომელიც გლობალური კულტურული სამოგზაურო ქსელია და ასევე VisitBerlin-თან ერთად ერთობლივი ცერემონიალი იყო, სადაც საქართველოს დედაქალაქმა გაიმარჯვა. ღონისძიებაზე 28 ქვეყნის 50 კულტურული მიმართულება იყო წარმოდგენილი.
როგორც ცნობილია, LCD Awards მიზანია ტურისტებს უახლესი სამოგზაურო ადგილების აღმოჩენაში დაეხმაროს, რომელიც კულტურულ და სათავგადასავლო მიმართულებას მოიცავს.
LCD Berlin Awards-ს კონკურსისთვის საჭირო შესაბამისი მასალა საქართველოს ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ მიაწოდა.
კონკურსში ჯილდოები სხვადასხვა მიმართულებით 18–მა ტურისტულმა ადგილმა მიიღო. გამარჯვებულები საერთაშორისო ჟიურიმ შეარჩია, რომელიც The New York Times-ის ევროპის კულტურის მიმართულების რედაქტორი და კულტურის სფეროს ცნობილი წარმომადგენლებით იყო დაკომპლექტებული.
ავტორი
თამთა ასლანიშვილი