“ბიძინა ივანიშვილის მიერ გაკეთებული კომენტარები პირდაპირ მეტყველებს იმაზე, რომ იციან – “ქართული ოცნება” ამ არჩევნებში მარცხდება” – ამირან ნატრიაშვილი

,,სტრატეგია აღმაშენებლის” ახალგაზრდული ორგანიზაციის ერთ-ერთი ლიდერი, ამირან ნატრიაშვილი სააგენტო ,,პარალელთან” ინტერვიუში პოლიტიკურ შეფასებებს აკეთებს პარტია ,,ქართული ოცნების” დამფუძნებლისა და საპატიო თავმჯდომარის, ბიძინა ივანიშვილის ინტერვიუსთან დაკავშირებით:

,,20 ოქტომბერს კიდევ ერთხელ დამტკიცდა, რომ ქართველი ხალხი აკეთებს სწორ არჩევანს და ირჩევს ნათელ, ევროპულ მომავალს.

ბიძინა ივანიშვილის მიერ გაკეთებული კომენტარები კი პირდაპირ მეტყველებს იმაზე, რომ იციან – ,,ქართული ოცნება“ ამ არჩევნებში მარცხდება. ახლა ივანიშვილი ეძებს ყველა ხერხს იმისთვის, რომ თავისი ქონება, სიმდიდრეები გადაარჩინოს, რომელიც ხალხის ჯიბიდან ფულის მოპარვით იშოვა. თუმცა, ეს მათ არ გამოუვათ.

როგორც ისინი ამბობენ, რომ თურმე ოპოზიციას გააუქმებენ და ყველანი გასამართლდებიან, ჩვენ ვიხილავთ სწორედ მათ სასამართლო ტრიბუნასთან წარდგენილებს, რომლებიც პასუხს აგებენ ყველა იმ დანაშაულზე, ქართველი ხალხის ჯიბიდან მოპარულ თითოულ თეთრზე, რასაც ამ 12 წლის მანძილზე იპარავდნენ.

ერთიანობით აუცილებლად ვიმარჯვებთ! 26 ოქტომბერი იქნება ჩვენი ქვეყნის ისტორიაში ნათელი ასოებით ჩაწერილი, სადაც ეწერება, რომ ქართველმა ხალხმა კიდევ ერთხელ გაიმარჯვა რუსულ რეჟიმზე და აირჩია ევროპული მომავალი“, – განაცხადა ამირან ნატრიაშვილმა.

ავტორი
ნინი ხიჯაკაძე