საქართველოს ყოფილი პრეზიდენტი გიორგი მარგველაშვილი “ლეიბორისტული პარტიის” ოფისში გამართულ შეხვედრას დაესწრო, მხარდაჭერა გამოუცხადა ოპოზიციური პარტიების ერთობას და პოლიტიკაში აქტიური ფორმით ჩართვის მზადყოფნა გამოხატა:
“თქვენი ძალიან პრინციპული ბრძოლით, უნარით, რომ გადალახოთ ბევრი წინააღმდეგობა, მიზნისკენ სწრაფვით, დიდი კვალიფიკაციით, რომელიც ამ ოთახში იყრის თავს, მიაღწიეთ იმას, რაც ქართული საზოგადოებისთვის სანატრელი იყო ათწლეულების განმავლობაში,“ – აღნიშნა გიორგი მარგველაშვილმა.
მაჟირიტარობასთან დაკავშირებით, საქართველოს მე-4 პრეზიდენტმა განაცხადა, რომ მას უფრო გლობალურად სურს ჩაერთოს პროცესში:
“მჯერა, რომ ოპოზიციური ერთობა ჩამოყალიბდება მაჟორიტარობაზე მთლიანად, არა მარტო ჩემთან მიმართებაში.
მე ვერ ვხედავ ჩემს თავს მაჟორიტარად. მე მინდა უფრო, ასე ვთქვათ, გლობალურ პროცესში შევიტანო ის დეტალები, რომელზეც მქონდა ლაპარაკი.
მე რომ მაჟორიტარად ვიყარო კენჭი, ეს ნიშნავს, რომ იმ უბანში ვიქნები ჩაკეტილი.
ჩემი მიზანია, საქართველოში შედგეს მრავალპარტიული დემოკრატია,“ – განაცხადა გიორგი მარგველაშვილმა.
