ქართველი ისტორიკოსი, საქართველოს რესპუბლიკის პირველი მოწვევის უზენაესი საბჭოს წევრი, საქართველოს დამოუკიდებლობის აქტზე ხელმომწერი, ბეჟან ჯავახია სოციალურ ქსელში სტატუსს აქვეყნებს, სადაც ოპოზიციის საწინააღმდეგო წინასაარჩევნო ბანერებს ეხმაურება, კონკრეტულ მინიშნებებს აკეთებს და პარალელს ავლებს საბჭოთა ეპოქასთან:
,,ეს ბანერი არის გადაღებული ჩემი ოთახის ფანჯრიდან. არჩევნებამდე ერთი კვირაც არ დარჩა, მაგრამ არ შემიძლია არ დავწერო, სხვა შემთხვევაში საკუთარ თავს ვერ ვაპატიებ.
რა არის ეს ვეკითხები მთელს საქართველოს, ყველას ვისაც ადამიანი ჰქვია? სადაა ის, რომ ადამიანად იწოდებოდე და კიდევ ამ საშინელებას იტანდე! იჯდე განსაკუთრებით ინტელიგენტის და ჰუმანისტის პრეტენზიით სამთავრობო ტელესტუდიებში და რაზედაც გნებავთ მეტყველებდე!
ასე ხდებოდა, თუნდაც ჩვენი ისტორიის ყველაზე სასტიკ პერიოდში, როდესაც ხალხის მტრების სახელებს გამოფენდნენ გაზეთებში, თუ ბოლშევიკურ კუთხეებში, რუბრიკით: ,,ვინ გვარცხვენს!” იქნებ ლოზუნგები უნდა შეგახსენოთ, ხალხის მტრების წინააღმდეგ!
დიახ, დამნაშავედ ჩვენ მივიჩნიეთ მხოლოდ რუსი ოკუპანტები და დაგვავიწყდა “ჩვენი” ბოლშევიკები.
არა, შეუძლებელია ამის ატანა. ჩვენი ყველას სირცხვილია ასეთი ბანერი, არ აქვს მნიშვნელობა ,,ნაცი” ხარ თუ ,,ქოცი”!
გაოცებას იწვევს ,,ქოცი” დედების, ან ,,ქოცების” შვილთა, თუ ახლობელთა პირმომთმენეობა! ეს ნამდვილი ფაშიზმია! ეს ბოლშევიზმია! ეს ინკვიზიციის ნაირსახეობაა!!! ყველა ის ადამიანი, ვინც დღეს ამ ბანერის მხარესაა, რასაკვირველია, ფაშისტია, ასევე, ყველა ვინც არ აპროტესტებს, ისიც მონაწილეა ამ ფაშიზმის დადგომაში!
მინდა მესმოდეს საპროტესტო ხმები ყველასგან: როგორ დუმს საქართველოს საპატრიარქო, სადაა მთავარი ღირებულება ეკლესიის!!! რატომ დუმს მასწავლებელი, თუ მოსწავლე, პროფესორი, თუ სტუდენტი, მეცნიერი თუ ხელოვანი!!! ეს ერთერთი სამარცხვინო დაღია ჩვენი ისტორიის! ამიტომაც ვწერ ხშირად, რომ არ შეიძლება ასეთი ფაქტები დატოვოთ პროტესტის გარეშე!!!”, – წერს ბეჟან ჯავახია.
ავტორი
ნინი ხიჯაკაძე
