განათლების ყოფილი მინისტრი, პოლიტიკის ექსპერტი გია ნოდია ილიას სახელმწიფო უნივერსიტეტის ავტორიზაციასთან დაკავშირებით განვითარებულ მოვლენებს ეხმაურება:
“ცხადია, რომ ავტორიზაციის საბჭოს გადაწყვეტილება პოლიტიკურად მოტივირებულია.
17 ოქტომბერს ილიას უნივერსიტეტის ხელმძღვანელობამ ხალხმრავალ შეხვედრაზე დეტალურად აგვიხსნა მისი დეტალები. ეს არის უპრეცედენტო შემთხვევა ამ საბჭოს ისტორიაში, როდესაც მან არ გაიზიარა თავისივე გამოყოფილი ავტორიტეტული საერთაშორისო საექსპერტო კომისიის უმაღლესი შეფასება და ის თვითნებურად გააუარესა. ლოგიკურად ძნელია ამას პოლიტიკურის გარდა სხვა სარჩული მოუძებნო.
ეს შემთხვევა მხოლოდ ილიას უნივერსიტეტს არ ეხება. ამით ხელისუფლებამ დაანანონსა, რომ თავისუფალ აკადემიურ სივრცეზე შეტევას იწყებს. მართალია, სამოქალაქო საზოგადოების და ოპოზიციის განადგურება, რაზეც დიდი ხანია ლაპარაკობს, მისი პრიორიტეტია, მაგრამ აკადემიურ სივრცეზე კონტროლიც ასევე მნიშვნელოვანი მიზანია.
ამიტომ ყველამ, ვისთვისაც ძვირფასია აკადემიური თავისუფლება საქართველოში, უნდა იცოდეს, რომ ამ შეტევის მოსაგერიებლადაც ერთადერთი სწორი გზა არსებობს: 26 ოქტომბერს სწორი გადაწყვეტილების მიღება“, – წერს ფეისბუქის პირად გვერდზე გია ნოდია.
