,,სტრატეგია აღმაშენებლის” ახალგზარდული ორგანიზაციის ლიდერი, ამირან ნატრიაშვილი სააგენტო ,,პარალელთან” ინტერვიუში წინასაარჩევნო პერიოდში ქვეყანაში შექმნილ რეალობასა და მოსახლეობის განწყობებთან დაკავშირებით საუბრობს:
,,ერთიანობა – ნაციონალური მოძრაობა” ხალხთან შეხვედრებს აგრძელებს. ჩვენ ვიყავით ყველა ქალაქში, კუთხეში. შევხვდით მაცხოვრებლებს და თამამად შემიძლია ვთქვა, რომ დღეს ხალხი არის ცვლილებების მოსურვე, რადგანაც მათ უკვე ძალიან კარგად იციან, რომ ,,ქართული ოცნება” არის ავტორიტარული, პრორუსული მმართველობის მატარებელი. ხალხს, მთელი საქართველოს მასშტაბით სურს, რომ ,,ქართული ოცნება” დამარცხდეს და ხელისუფლებაში მოვიდეს პროევროპული ძალა, რადგანაც საქართველოს მოსახლეობას გვსურს ევროპა.
რაც შეეხება 2020-2021 წლის შემდგომ ხალხის განწყობებს, ძალიან ბევრი ადამიანი ისეთი, ვინც, მაგალითად, 2020 წელს მხარს უჭერდა სახელისუფლებო პარტიას, ისინი დღეს არიან გაწბილებულები, გაბრაზებულები, რადგანაც ,,ქართულმა ოცნებამ” არცერთი მათი დაპირება არ შეასრულა.
თქვენ გახსოვს, მათი პირველი დაპირება 2020 წლის არჩევნებში იყო ის, რომ საქართველო დაიწყებდა ძალიან დიდი ნაბიჯების გადადგმას ევროინტეგრაციისაკენ. ეს იყო ერთგავრი ფანდი, რათა მოეტყუებინა ის პროევროპელი ამომრჩეველი, რომელიც ქვეყნის 85%-ზე მეტს წარმოადგენს.
ასე, რომ განწყობა არის ძალიან მაგარი. აუცილებლად გავიმარჯვებთ ამ არჩევნებში. ,,ქართული ოცნება” უკვე დამარცხებულია. ამაზე მეტყველებს თითოეული კუთხის მოსახლესთან შეხვედრები ტურნეს მანძილზეც.
26 ოქტომბერს ყველანი მივდივართ არჩევნებზე და მხარს ვუჭერთ საქართველოს ევროპულ მომავალს! ერთადერთი ალტერნატივა ამისა არის ,,ერთიანობა – ნაციონალური მოძრაობა”, – განაცხადა ამირან ნატრიაშვილმა.
ავტორი
ნინი ხიჯაკაძე
