“დაკავებულები არიან მომავალი არჩევნების მასობრივი გაყალბებისათვის შესაბამისი ფსიქოლოგიური ფონის შექმნით” – შალვა ნათელაშვილი

,,ლეიბორისტული” პარტიის თავმჯდომარემ თბილისის საქალაქო სასამართლოში სარჩელი შეიტანა კვლევითი ორგანიზაციების, GORBI-სა და ამერიკული Edison Research-ის წინააღმდეგ:

,,თბილისის საქალაქო სასამართლოში შევიტანეთ 2 სარჩელი – რუსული საგარეო დაზვერვის ფილიალ, რეიტინგული კომპანია GORBI-სა და ამერიკული Edison Research-ის წინააღმდეგ, რომლებიც მთელი ეს სეზონი, (ადრეც, მაგრამ ახლა განსაკუთრებით), დაკავებულები არიან მომავალი არჩევნების მასობრივი გაყალბებისათვის შესაბამისი ფსიქოლოგიური ფონის შექმნით.

ამისათვის შეთანხმებულად ოლიგარქ ივანიშვილთან და საბანკო ოლიგარქიასთან, რასაც წარმოადგენს ვითომ ოპოზიცია პარლამენტში შესული და ივანიშვილის გადამრჩენი, ერთობლივი კონსულტაცია-კოორდინირებით წერენ რეგულარულად ე.წ. რეიტინგულ გამოკვლებს.

არავითარი რეიტინგული გამოკვლევები არ ტარდება”, – განაცხადა შალვა ნათელაშვილმა.

ავტორი
ნინი ხიჯაკაძე