საქართველოს მესამე პრეზიდენტი, მიხეილ სააკაშვილი სოციალურ ქსელში, ფეისბუქის საკუთარი ოფიციალური გვერდის მეშვეობით, ეხმაურება ,,ერთიანობა – ნაციონალური მოძრაობისთვის” ბილბორდების გაკვრის შეზღუდვას:
,,ყველაზე მეტად რომელი პარტიის ძალისაც ეშინია, სწორედ მისი, ე.ი. ჩვენი ბილბორდები დაბლოკა ოლიგარქის მაფიოზურმა კლანმა.
რატომ ეშინიათ მათ ასე, მე ციხეში ვარ, კოალიცია “ერთიანობას” არც ფული აქვს, რადგან გარდა ივანიშვილისა, ასევე 3 დიდი ბანკის კარტელიც ემტერება. ემტერება იმიტომ რომ ჩვენ საბანკო მონოპოლიის დაშლასა და განაკვეთების მკვეთრ შემცირებას ვგეგმავთ, ბანკის მფლობელების ზე-მოგების ხარჯზე და მაინც ოლიგარქი ჩვენს შეკრებებს ესხმის თავს, ჩვენს ფინანსებს და რეკლამას ბლოკავს, ჩვენი აკრძალვით იმუქრება.
ეს ყველაფერი ხდება იმიტომ რომ “ენმ”-მ 12 წლის განმავლობაში არ დაუშვა წინააღმდეგობის დროშა და უფრო მეტიც, სერიოზული შიდა განახლება მოახდინა, ახალი ძალით ჩაერთო ბრძოლაში და ერთადერთი გაერთიანებაა რომელსაც შეუძლია კოშმარად ქცეულ ოცნების მაჯლაჯუნებს გადაასწროს ამ არჩევნებში და სხვა ევროპულ ძალებთან ერთად მძლავრი ევროპული კოალიცია შექმნას.
და კიდევ ერთი, მე მგონი უკვე ოპოზიციურ მედიასაც გაებნა ყურადღება, გამოვიდა გუშინ რუსეთის დაზვერვის უფროსი და საჯაროდ მხარი დაუჭირა “ოცნებას” და ამას ისე სხვათა შორის აშუქებენ ვითომ არაფერი მომხდარა”, – აცხადებს მიხეილ სააკაშვილი.
ავტორი
მარიამ ხაჩირაშვილი
