კორონავირუსის ახალი ფაქტების დაფიქსირებას ეხმიანება “მთავარი არხის” გენერალური დირექტორი და მწვავედ აკრიტიკებს ამირან გამყრელიძესა და მისდამი დაქვემდებარებულ სამსახურს. ნიკა გვარამიას მიაჩნია, რომ დაავადების გავრცელების მხრივ არაფერი კეთდება პრევენციის თვალსაზრისით:
“ამირან გამყრელიძე ტიპიური შევარდნაძის ჩინოვნიკი – რეალური შედეგის ვერმომტანი, მაგრამ ლოყებდაბერილად მოდუდუნე. დადის ეს დღეები ეთერეთერ ჩემს სალანძღავად. ახლა ეპიდსიტუაცია გაექცა, დაჯდა ეთერში და ურცხვად გვიყვება, უკვე რამდენი დაავადდა, იმის ნაცვლად, რომ მოგვიყვეს, რითი შეებრძოლა, რა გააკეთა, რას მიაღწია.
გუგლის სტატისტიკით და სიმპტომატიკის ჩამონათვალით გველაპარაკება ამ წუთისთვის პრაქტიულად ქვეყნის უსაფრთხოებაზე პასუხისმგებელი მთავარი სამსახურის ხელმძღვანელი.
ფაქტების კონსტატაციისთვის ყოფილა მთელი ამხელა სამსახური, იმის ნაცვლად, რომ პრევენცია მოახდინონ, საზღვრების ჩაკეტვა და გადაადგილების შეზღუდვა მოითხოვონ.
შევარდნაძის ერის ნოსტალგიას თავისი სახელი ქვია – ამირან გამყრელიძე. ღმერთმა მშვიდობაში მოგახმაროთ ამირანი და კორონა“, – წერს ფეისბუქის პირად გვერდზე ნიკა გვარამია.