საქართველოს მესამე პრეზიდენტი, მიხეილ სააკაშვილი სოციალურ ქსელში, ფეისბუქის საკუთარი ოფიციალური გვერდის მეშვეობით, ეხმაურება ,,საერთაშორისო გამჭირვალობა – საქართველო”-ს არჩევნებზე დაკვირვების შესაძლებლობის აღდგენის გადაწყვეტილებას:
,,რეჟიმი დატორტმანდა და უკან დაიხია!
“საერთაშორისო გამჭვირვალობა” დააკვირდება არჩევნებს.
ეს უდავოდ არის ქართველი ხალხის და საერთაშორისო თანამეგობრობის წარმატება. ზუსტად ასევე მოუხდებათ არჩევნების შედეგების აღიარება”, – ნათქვამია სოციალურ ქსელში გამოქვეყნებულ პოსტში.
ინფორმაციისთვის: პრემიერ-მინისტრმა ირაკლი კომახიძემ, ანტიკორუფციული ბიუროს ხელმძღვანელს, რაჟდენ კუპრაშვილს რეკომენდაცია მისცა გადაეხედა თავისი გადაწყვეტილებისთვის ,,საერთაშორისო გამჭირვალობა – საქართველო”-სთან დაკავშირებით.
აღსანიშნავია, რომ ანტიკორუფციული ბიუროს გადაწყვეტილება სადამკვირვებლო ორგანიზაცია “საერთაშორისო გამჭვირვალობა – საქართველოსა” და მისი აღმასრულებელი დირექტორის, ეკა გიგაურის მიჩნევა განცხადებული საარჩევნო მიზნების მქონე სუბიექტებად, მათზე შესაბამისი რეგულაციების გავრცელების გადაწყვეტილება მწვავედ იყო გაკრიტიკებული საერთაშორისო ორგანიზაციების მხრიდან.
