“შეშინებულ, აშკარა, მოღალატეობრივ კოლაბორაციაში შესულ “ქართულ ოცნებას” ჩვენი მოქალაქეები მიგდებული ჰყავს ოკუპანტისთვის მარტივ ლუკმად” – დავით ქაცარავა

ანტისაოკუპაციო მოძრაობის ლიდერი, პარტიის ,,ჩვენ” დამფუძნებელი, დავით ქაცარავა სოციალურ ქსელში სტატუსს აქვეყნებს, სადაც საუბრობს საოკუპაციო ხაზიდან საქართველოს მოქალაქის მორიგი გატაცების ფაქტთან დაკავშირებით:

,,სოფელ არცევის მიმდებარედ კვლავ გაიტაცეს ჩვენი მოქალაქე.

რამდენიმე დღის წინ კი 2 ადამიანი მოგვპარეს ორკებმა.

რუსეთი არ ჩერდება და აგრძელებს აგრესიას ჩვენი სახელმწიფოს წინააღმდეგ.

სრული პასუხისმგებლობით ვაცხადებ – პოლიტიკური ნების არსებობის შემთხვევაში შესაძლებელია გატაცებების უკიდურესად დაბალ ნიშნულამდე ჩამოყვანა.

ხელისუფლებამაც ძალიან კარგად იცის, რომ ეს შესაძლებელია, მაგრამ არ აკეთებს ამას.

რატომ? იმიტომ რომ მაშინ რუსები განაწყენდებიან, გაღიზიანდებიან და თითს დაუქნევენ.

ამიტომაც შეშინებული, აშკარა, მოღალატეობრივ კოლაბორაციაში შესული “ქართული ოცნებ”ა არ იმჩნევს ამ შესაძლებლობას და ჩვენი მოქალაქეები მიგდებული ჰყავს ოკუპანტისთვის მარტივ ლუკმად”, – წერს დავით ქაცარავა.

ავტორი
ნინი ხიჯაკაძე