,,ერთიანობა – ნაციონალური მოძრაობის’’ ერთ-ერთი ლიდერი, გია ჯაფარიძე სააგენტო ,,პარალელთან’’ ინტერვიუში საუბრობს ,,ქართული ოცნების’’ საარჩევნო დაპირებებისა და განცხადებების შესახებ:
,,ჩემი აზრით ეს არის დამარცხებული პარტიის განცხადებები. როგორც ჩანს მათაც აქვთ თავისი კვლევები და ამ კვლევების მიხედვითაც ,,ქართული ოცნების’’ რეიტინგი როგორც თბილისში, ასევე საქართველოს სხვა რეგოინებში, ქალაქებში არის საკმაოდ დაბალი.
ამიტომ ახლა ისინი ცდილობენ საკუთარ ამომრჩევლებში შექმნან ის რწმენა, ყალბი მოლოდინები, ცრუ განწყობა იმის, რომ ისინი იგებენ არჩევნებს და აპირებენ ისევ ამ პოლარიზაციის, ამ რაღაც ძალადობის დაანონსებით საკუთარი მომხრეების კონსოლიდაციას.
სინამდვილეში ახლა 12 წლის მმართველობის თავზე სხვა დაპირება ,,ქართულ ოცნებას’’ გარდა იმისა, რომ გააუქმებს ყველა ოპოზიციურ პარტიას, გააუქმებს არასამთავრობო ორგანიზაციებს, მედიას, თავისუფალ საგანმანათლებლო სივრცეებს, გარდა ამ ძალადობის დაანონსებისა სხვა დაპირება საქართველოს მოქალაქეების მიმართ არ აქვს.
12 წლის შემდეგ ისევ ებრძვის პარტიას, რომელიc 12 წლის წინ დაამარცხა. მე მგონია, რომ ამასთან გვაქვს საქმე… წინასაარჩევნო პროპაგანდაა, თან ეს არის წინასაარჩევნო გზავნილი, რითაც თავის მომხრეებში ცდილობს მხარდაჭერის კონსოლიდაციას’’, – განაცხადა გია ჯაფარიძემ.
ავტორი
მარიამ ხაჩირაშვილი
