საქართველოს მე-3 პრეზიდენტი, მიხეილ სააკაშვილი, ფეისბუქის საკუთარი ოფიციალური გვერდის მეშვეობით, რუსეთის ფედერაციის საგარეო საქმეთა მინისტრის სერგეი ლავროვის მიერ გამოთქმული მოსაზრების პასუხად, საქართველოში, მისი ხელისუფლების პირობებში, განხორციელებელი პროექტების თაობაზე საუბრობს:
“ლავროვმა თქვა რომ ქართველები იდენტობას იბრუნებენო, მისთვის ჩვენი იდენტობა არის ელარჯის წელვა, ჩვენთვის ეროვნული იდენტობა არის:
სწრაფი რეფორმები, N1 კორუფციასთან მებრძოლი ქვეყნის სტატუსი,
ერთიანი ეროვნული გამოცდებით, კორუფციის გარეშე, უმაღლესი განათლების მიღების შესაძლებლობა, გადასახადების შემცირება, სწრაფი სახელმწიფო სერვისები, ჩვენი ფასდაუდებელი კულტურული მემკვიდრეობა, აღდგენილი ეკლესია მონასტრები, ერთ-ერთი ყველაზე უსაფრთხო ქვეყნის სტატუსი წლების განმავლობაში, ჩვენი ახალგაზრდობის სამეცნიერო და ტექნოლოგიური მიღწევები, ევროპული ღირებულებები და ევროატლანტიკური მისწრაფებები,
თავისუფლებისადმი ჩვენი სიყვარული და გამარჯვების ჟინი!
ამჯერადაც ერთად გავიმარჯვებთ!“, – ნათქვამია სოციალურ ქსელში გამოქვეყნებულ პოსტში.
ავტორი
მარიამ ხაჩირაშვილი
