,,ერთიანობა – ნაციონალური მოძრაობის’’ ერთ-ერთი ლიდერი, ზურაბ ჭიაბერაშვილი ჟურნალისტებთან კომენტარს აკეთებს საარჩევნო კამპანიის ფარგლებში ,,ქართული ოცნების” მიერ გამართულ ღონისძიებაზე, მხარდამჭერების წინაშე პარტიის დამფუძნებელისა და საპატიო თავმჯდომარის, ბიძინა ივანიშვილის ტყვიაგაუმტარი მინის ბარიერიდან მიმართვასთან დაკავშირებით:
,,ივანიშვილი არის მშიშარა ადამიანი. ის ყოველთვის ასეთი იყო და ის ყოველთვის საქართველოს და ქართველ ხალხს უყურებდა, როგორც საკუთარი თავის და საკუთარი პირადი ქონების დაცვის საშუალებას და არაფერს მეტს.
ის არანაირად არ ფიქრობს ქართველი ხალხის, ქართველი ოჯახების, საქართველოს მოქალაქეების პირად კეთილდღეობაზე და მათ გამდიდრებაზე. ის ფიქრობს საკუთარი თავის გამდიდრებაზე და საკუთარი თავის უსაფრთხოებაზე.
ის გრძნობს და კარგად ხედავს რიცხვებში წაგებას, ის არის შეშინებული ადამიანი, ის არის მშიშარა ადამიანი და ბუნებრივია ეს მისი შიში გამართლებულია იმიტომ, რომ ქართველ ხალხს გადაწყვეტილი აქვს რა უნდა მოხდეს 26 ოქტომბერს, ეს გადაწყვეტილება აღსრულდება 26 ოქტომბერს ამიტომ მნიშვნელოვანია რომ ივანიშვილი არ გაუძალიანდეს ქართველი ხალხის ნებას’’, – განაცხადა ზურაბ ჭიაბერაშვილმა.
ავტორი
მარიამ ხაჩირაშვილი
