საერთაშორისო სწავლების კვლევითი ცენტრის დირექტორი, ექსპერტი საერთაშორისო და უსაფრთხოების საკითხებში, პოლიტოლოგი ნიკა ჩიტაძე სააგენტო ,,პარალელთან“ ინტერვიუში საუბრობს იმასთან დაკავშირებით, შეიწყალებს თუ არა საქართველოს მე-3 პრეზიდენტს, მიხეილ სააკაშვილს საქართველოს მე-5 პრეზიდენტი, სალომე ზურაბიშვილი:
,,მიხეილ სააკაშვილის ყველა პროცესი არ არის დასრულებული, რომ სამართლებრივად იყოს უკვე განაჩენი გამოტანილი, რათა შემდგომში იქნას გამოყენებული პრეზიდენტის პრეროგატივა – შეიწყალოს თუ არა კონკრეტული ადამიანი.
მაგალითად, როგორც გვარამიას შემთხვევაში, განაჩენი არსებობდა. აქედან გამომდინარე, ვნახოთ როგორ წარიმართება მოვლენები.
ეს არის რეალობაა, რომ თითქოს პრეზიდენტს არ აქვს საკმარისი სამართლებრივი საფუძველი, რომ მოხდეს მიხეილ სააკაშვილის შეწყალება, მაგრამ ერთ საქმეზე არის განაჩენი გამოტანილი. შეიძლება მოხდეს უკვე შეწყალება და ვთქვათ, სხვა საქმეებზე აღიძრას საქმე.
მეორეს მხრივ, ჩვენ შეგვიძლია ვილაპარაკოთ პოლიტიკურ ნებაზე. რაც შეეხება პრეზიდენტს – ბოლომდე ეს პოლიტიკური ნება არ გააჩნია. არ არის ბოლომდე სანდო ადამიანი. დღეს თუ ის საუბრობს ევროატლანტიკურ ინტეგრაციაზე, ესე სჭირდება. მთლად სუფთა ადამიანი რომ არ არის ჩვენი პრეზიდენტი, ძალიან კარგად ვიცით.
ბოლოს და ბოლოს, არ იცოდა ,,ქართული ოცნება” რას წარმოადგენდა?! არადა ,,ქართულმა ოცნებამ” წარადგინა სალომე ზურაბიშვილის კანდიდატურა, ვითომ დამოუკიდებელი კანდიდატის, რაც სიმართლეს არ შეესაბამება.
კარგად აქვს ნათქვამი მარკუს ავრელიუსს, რომ ,,ადამიანი თავისი ბუნებით უნდა იყოს პატიოსანი და არა ვითარებიდან გამომდინარე”, – განაცხადა ნიკა ჩიტაძემ.
ავტორი
ნინი ხიჯაკაძე
