,,ერთიანობა – ნაციონალური მოძრაობის’’ ლიდერები თინა ბოკუჩავა და გიორგი ვაშაძე აშშ-ში, ,,დემოკრატიული პარტიის’’ საპრეზიდენტო კანდიდატის, კამალა ჰარისის წარდგენის ღონისძიებაზე იმყოფებიან. აღნიშნულთან და კონკრეტულ შეხვედრების მნიშვნელობასთან დაკავშირებით, სოციალურ ქსელში გამოქვეყნებული პოსტის მეშვეობით, პოლიტიკურ შეფასებებსა და განმარტებებს აკეთებს ,,ერთიანი ნაციონალური მოძრაობის’’ თავმჯდომარე, თინა ბოკუჩავა:
,,რამდენიმე კვირის წინ დავესწარი „რესპუბლიკური პარტიის“ კონგრესს. ახლა ვიმყოფებით „დემოკრატიული პარტიის“ კონგრესზე, სადაც დემოკრატიული პარტიის საპრეზიდენტო კანდიდატად კამალა ჰარისის წარდგენა მოხდება.
ეს არის შესანიშნავი შესაძლებლობა ვესაუბროთ ჩვენ ამერიკელ პარტნიორებს საქართველოსა და ამერიკის ურთიერთობის აღდგენასთან დაკავშირებით, რადგან ეს სტრატეგიული, უმნიშვნელოვანესი ურთიერთობა ივანიშვილის ანტიდასავლურმა პოლიტიკამ და ნაბიჯებმა მნიშვნელოვნად დააზიანა.
ჩვენ გვაქვს ყველა შესაძლებლობა, რომ 26 ოქტომბრის არჩევნების შემდეგ აღვადგინოთ საქართველოსა და ამერიკის შეერთებული შტატების ურთიერთობები, მოვიზიდოთ ამერიკული ინვესტიციები, მივიღოთ უვიზო მიმოსვლა აშშ-სთან და გადავიყვანოთ ჩვენი ურთიერთობა ახალ ეტაპზე, რომელიც ჩვენს ქვეყანას ყველა, განსაკუთრებით კი ეკონომიკური მიმართულებით ძალიან დიდ სიკეთეს მოუტანს!’’, – წერს თინა ბოკუჩავა სოციალურ ქსელში.
ავტორი
მარიამ ხაჩირაშვილი
