ემიგრაციაში მყოფი საქართველოს მოქალაქე, თინათინ ნადარეიშვილი სააგენტო ,,პარალელთან” ინტერვიუში განმარტავს მიზეზებს, თუ რატომ მოუწია საზღვარგარეთ სამუშაოდ წასვლა:
რამდენი ხანია, რაც ემიგრაციაში ხართ?
⁃ 2 წელი მთავრდება აქ რომ ვარ, ემიგრაციაში.
მიზეზი რა იყო თქვენი ემიგრაციაში წამოსვლის?
⁃ სახლი დამეწვა. მოვედი, რომ ცოტა ვიშოვო და სახლი გამეკეთებინა ბავშვებისთვის, რომ არ დავრჩენილიყავი უმუშევარი და უსახლ-კარო.
თუ აპირებთ საქართველოში დაბრუნებას?
⁃ კი, მომავლი წლის 26 იანვარს უნდა წავიდე აქედან.
რა მოლოდინი გაქვთ, როცა თქვენს ქვეყანაში ჩახვალთ?
⁃ ჩემი ხელების მარჯვენა მომცეს, ჯანმრთელობა უფალმა, მეტი არაფრის პრობლემა არ მაქვს, ყველაფერი კარგად იქნება – ოღონდ საქართველოში ჩავიდე.
როგორია თქვენი 1 დღე ემიგრაციაში?
⁃ ჩემი შვილების გარეშე, რა თქმა უნდა, ემიგრაცია რა არის ისეთი კარგი, რომ… ყველას გულისსატკივარია აქ რომაა ადამიანი. ჩვენთან ხელფასები, სამუშაოები იყოს, აქ ვის რა უნდა? არ არის ჩვენი მთავრობა მოწყობილი, რომ… ამათ [იტალიას] გაუმარჯოს ღმერთმა, მისცეს ხვავი და ბარაქა ამ იტალიას, რონ ჩვენც გვინახავს – საჭმელია, სასმელია, კარგია თუ ცუდია, მაინც გვინახავენ ესენი.
ავტორი
ნინი ხიჯაკაძე
