წარმატებით დაასრულეს ასპარეზობა ქართველმა ძიუდოისტებმა გერმანიის ქალაქ დიუსელდორფში გამართულ გრანპრიზე. ჯამში საქართველოს ნაკრების ანგარიშზე ორი ოქრო, ერთი ვერცხლი და ერთიც ბრინჯაოს მედალია. ოქროს მედლის მფლობელები ტატო გრიგალაშვილი და გურამ თუშიშვილი გახდნენ, ვერცხლის მედლით ბრუნდება სამშობლოში ვაჟა მარგველაშვილი, რაც შეეხება ბრინჯაოს, მისი მფლობელი ბექა ღვინიაშვილი გახდა.
აღნიშნულ ტურნირზე საქართველოს ნაკრებმა მე-2 ადგილი დაიკავა იაპონიის ნაკრების შემდეგ.
ტურნირის დასასრულს ძიუდოს საერთაშორისო ფედერაციამ განახლებული რეიტინგი წარმოადგინა, სადაც ქართველებსაც ვხვდებით.
ლუხუმ ჩხიმიანი მე-5 ადგილი
ვაჟა მარგველაშვილი მე-5 ადგილი
ლაშა შავდათუაშვილი მე-15 ადგილი
ლუკა მაისურაძე მე-10 ადგილი
ბექა ღვინიაშვილი 10-ე ადგილი
ლაშა ბექაური 11-ე ადგილი
ვარლამ ლიპარტელიანი მე-5 ადგილი
გურამ თუშიშვილი მე-2 ადგილი
გელა ზაალიშვილი მე-15 ადგილი
