“ყოველდღიურად ვხვდებით ამომრჩეველს, არც ერთი დღე არ გაივლის, რომ ან რეგიონში, ან ქალაქში არ ვიყოთ”, – ამის შესახებ “ერთიანობა-ნაციონალური მოძრაობის” ერთ-ერთმა ლიდერმა სერგო ჩიხლაძემ განაცხადა.
ჩიხლაძის თქმით, საზოგადოების მხრიდან არის ერთიანობის დაკვეთა, რათა 26 ოქტომბერს ერთიანობით შეძლოს ხალხმა გამარჯვება:
“ერთიანობის წევრები, ლიდერები ყოველდღიურად ვხვდებით მოსახლეობას. ყოველდღიურად ვხვდებით ამომრჩეველს, არცერთი დღე არ გაივლის, რომ ან რეგიონში, ან ქალაქში არ ვიყოთ, შესაბამისად დღეს უკვე საბურთალოზე ვართ, ბუკიას ბაღში და მიმდებარე ტერიტორიაზე.
რაც მთავარია ხალხის განწყობა არის დადებითი, არიან ძალიან მოტივირებულები. სურთ ცვლილებები და ერთადერთი დაკვეთა აქვთ ყველასთან და მათ შორის ჩვენთანაც, ერთიანობით ერთად ვიდგეთ, ერთად გავიმარჯვოთ 26 ოქტომბერს და ერთად დავიცვათ ჩვენი გამარჯვება”, – განაცხადა ჩიხლაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
