“ამათი გაყრა ყველა თავმოყვარე ქართველის პირადი ღირსების საკითხია” – ზაზა ბიბილაშვილი მმართველ პარტიაზე

,,ჭავჭავაძის კვლევითი ცენტრის” დამფუძნებელი, ზაზა ბიბილაშვილი Facebook-ის გვერდზე სტატუსს აქვეყნებს, სადაც საუბრობს ხელისუფლის ცვლილების აუცილებლობაზე:

,,ხალხისთვის დინამოს სტადიონის ხელოვნურად დაკეტვის პერიპეტიები ქოცრეჟიმის ზღვარგადასული ცინიზმისა და კორუმპირებულობის მორიგი დასტურია, მაგრამ თვით ეს უპატიებელი დანაშაულიც კი არაფერია რეჟიმიის ისტორიული ღალატის ფონზე, როცა ოკუპანტი რუსეთი გაეროს ტრიბუნიდან საკუთარი პოზიციის გასამყარებლად ივანიშვილის პარტიას ციტირებს.

ეს ნიშნავს, რომ ამათი გაყრა ყველა თავმოყვარე ქართველის პირადი ღირსების საკითხია. შეიძლება, ფიზიკური გადარჩენისაც. ვისთვისაც ეს ასე არ არის, ქართველი არაა – გრუზინია და ის ამ ლაქას ვერასდროს ჩამოირეცხავს. ვერც მათი ოჯახები შეძლებენ ამ ისტორიულ დანაშაულში თქვენი შეგნებული თანამონაწილეობის მემკვიდრეობისფან თავის დაღწევას.

კარგად იცით, ვინც ხართ. ისიც ვიცი, რომ კითხულობთ ამას. და კი – ზუსტად თქვენ გგულისხმობთ”, – წერს ზაზა ბიბილაშვილი.

ავტორი
ნინი ხიჯაკაძე