“ადამიანები ითხოვენ ერთიანობას, უმეტესობა, 80% ვისაც ვესაუბრეთ, ყველა საუბრობს ერთიანობაზე” – გია ჯაფარიძე

9 აგვისტოს “ერთიანობის” ლიდერები საგარრჯოში იმყოფებოდნენ და მოსახლეობასთან შეხვედრები ჰქონდათ, რის თაობაზეც შეფასებები გააკეთა გაერთიანების ერთ-ერთმა ლიდერმა, გია ჯაფარიძემ:

“საგარეჯოში ვართ, ვმართავთ შეხვედრებს ადგილობრივ მოქალაქეებთან, ჩვენი კამპანიის ფარგლებში.

ვიტყოდი, რომ განწყობა არის ძალიან ოპტიმისტური. ადამიანები ითხოვენ ცვლილებებს. ყველას ყელში აქვს ამოსული “ქართული ოცნების” მმართველობა.

ადამიანები ითხოვენ ერთიანობას, უმეტესობა, 80% ვისაც ვესაუბრეთ, ყველა საუბრობს ერთიანობაზე. ერთი რამე რაც ძალიან თვალში საცემია ეს არის, სიღარიბე რასაც მოქალაქეები აღნიშნავენ და ეს არის უმუშევრობა.

ასევე ისიც, რომ იცლება საგარეჯო ახალგაზრდებისგან, არ არის სამუშაო ადგილები. “ქართული ოცნების” 12 წლიანი მმართველობა არანაირ პერსპექტივას არ ტოვებს აქ მაცხოვრებელთათვის. ამიტომ 26 ოქტომბერს ერთიანობით, ჩვენ უნდა შევცვალოთ ვითარება, როგორც საგარეჯოში, ასევე მთლიანად საქართველოში”, – განაცხადა გია ჯაფარიძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს