,,ერთიანობის” წევრი, ,,ერთიანი ნაციონალური მოძრაობის” თავმჯდომარის მოადგილე, იგორ ნარმანია სააგენტო ,,პარალელთან” გადაცემაში ,,ახალგაზრდები პარალელზე” საუბრობს ,,ქართული ოცნების” საარჩევნო კამპანიის შესახებ:
-
მინდა შევეხო, ,,ქართული ოცნების’’ საარჩევნო კამპანიას, რომელიც გაიხსნა და მოსალოდნელია მძიმე საარჩევნო პროცესი. როგორ ფიქრობთ რა ძირითადი პრობლემები შეიძლება წარმოიშვას საარჩევნო კამპანიის დროს?
– ჩვენ ვიცით, რომ რუსული ოცნების მმართველობა არის ბინძური, რუსული და ამ მეთოდებს ვაწყდებით ყოველდღიურად.
თქვენ იცით, რომ უკრაინაში მებრძოლი ქართველი ჯარისკაცები ამ დღეებში დაიბარეს სასამართლო გამოკითხვაზე, რაღაც აბსურდული ბრალდებებით.
ასევე ბრალდებები არის ჩვენს მიმართაც წარდგენილი და ჩვენს მიმართ მიმდინარეობს სისხლის სამართლის საქმეები, მათ შორის, ჩვენი ახალგაზრდული ორგანიზაციიდან: ტიტე გედენიძეს, ბექა პაპაშვილს, ცოტნე აბესაძეს აქციებთან დაკავშირებით იბარებენ გამოკითხვებზე.
რუსული ოცნების კამპანია იქნება, რა თქმა უნდა, სტანდარტულად ბინძური კამპანია. თუმცა აქ არავის არ ეშინია მათ მიერ ჩატარებული კამპანიის, მათ მიერ წარმოებული რუსული კამპანიის, რის ფარგლებშიც შეიძლება ვიღაცებს დაუპირონ ხელების გადაგრეხვა ან ციხეებში ჩასმა.
თუმცა რუსულ ოცნებას არ უშველის რაღაც ახალი ოფისების და ახალი საარჩევნო შტაბების გახსნა. იმიტომ, რომ ეს არ არის ის რეალობა, რაც აწუხებს ქართველ ხალხს. იქ ჩვენ ვნახეთ ბიძინა ივანიშვილის სიტყვით გამოსვლა, სადაც 2012 წელში ეგონა თავი და ისევ ,,ნაციონალური მოძრაობის” დასჯაზე საუბრობდა, რაც რა თქმა უნდა, სასაცილოა ბიძინა ივანიშვილის მხრიდან და იქცეოდა, როგორც პატენტი დიქტატორი ყოველ შემთხვევაში მე ეს შთაბეჭდილებები დამიტოვა.
ავტორი
მარიამ ხაჩირაშვილი
