,,ერთიანობის” წევრი, ,,ერთიანი ნაციონალური მოძრაობის” თავმჯდომარის მოადგილე, იგორ ნარმანია სააგენტო ,,პარალელთან” გადაცემაში ,,ახალგაზრდები პარალელზე” საუბრობს საარჩევნო კამპანიისა და არჩევნების მნიშვნელობის შესახებ:
- 18 ივლისს იყო ღონისძიება ,,100 დღე ერთიანობის გამარჯვებამდე’’, რომლის ათვლაც დაიწყო – მაინტერესებს 100 დღის განმავლობაში რა ძირითადი აქტივობებია დაგეგმილი გაერთიანების მიერ?
– პირველ რიგში უნდა აღინიშნოს ის ფაქტი, რომ 2024 წლის საპარლამენტო არჩევნები არის ეგზისტენციალური მნიშვნელობის არჩევნები ქართველი ხალხისთვის იმიტომ, რომ ის პროტესტი, რომელიც მიმდინარეობდა ქუჩაში 2024 წლის აპრილში-მაისში აუცილებლად უნდა გადაიზარდოს საარჩევნო ხმების მობილიზებაში და დაცვაში.
ამიტომ თითოეული ჩვენგანის ვალია ამ ადამიანებთან ჩავიდეთ, შევხვდეთ და დავარწმუნოთ, რომ მათი ხმა არის გადამწყვეტი მნიშვნელობის ამ არჩევნებზე იმიტომ, რომ ვიცით, რომ რუსულმა ოცნებამ წლების განმავლობაში საქართველოში დაამკვიდრა ნიჰილისტური დამოკიდებულება, მაგრამ ყველაზე მნიშვნელოვანი არის ის ფაქტი, რომ დღეს ჩვენი თანატოლები განსაკუთრებით ხვდებიან ამ არჩევნების მნიშვნელობას და მათ როლს ამ არჩევნებში.
ჩვენ, საარჩევნო კამპანიის ფარგლებში, ვაპირებთ, რომ ჩავიდეთ რეგიონებში ვნახოთ ადამიანები სხვადასხვა ქალაქის, რეგიონის წარმომადგენლები, ადამიანები, რომლებსაც გააზრებული აქვთ თუ რა მნიშვნელობა აქვს 2024 წლის საპარლამენტო არჩევნებში მონაწილეობის მიღებას, თუნდაც ხმის მიცემას, ხოლო შემდეგში ამ ხმების დაცვას იმიტომ, რომ ჩვენ ვიცით, რომ ხმების დაცვას ექნება განსაკუთრებული მნიშვნელობა 26 ოქტომბერს.
ავტორი
მარიამ ხაჩირაშვილი
