“ივანიშვილი გვთავაზობს – ან მონობა, ან ომი. სინამდვილეში ჩვენ ვირჩევთ მშვიდობას და ჩვენ ვირჩევთ თავისუფლებას. არა მონობას!” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი სასამართლო პროცესზე საზოგადოებას მიმართავს და ემოციურ განცხდებას აკეთებს:

,,ყველა ჩვენგანი სვამს კითხვას – ,,გვეშველება რამე? დავრჩებით თუ უნდა წავიდეთ ამ ქვეყნიდან? გააყალბებენ თუ არა არჩევნებს და რა უნდა ვქნათ, როცა გააყალბებენ?”

თვეში ერთხელ მეძლევა საშუალება მოგმართოთ საკმაოდ ცუდი გამოსახულებით და არც თუ ისე გამართული ხმით, გისოსების მიღმა, მაგრამ ეს ვერ ჩაახშობს ჩემს ხმას.

ივანიშვილი, მისი ამფსონები და პატრონები, გვაძალებენ ერთადერთ არჩევანს – ან მონობა, ან ომი. ისინი გვეუბნებიან, რომ თუ ჩვენ მონობას არ ავირჩევთ, საქართველოში იქნება ომი.

სინამდვილეში მათ უნდათ, მოგვიტანონ მონობა და ომი! ომი მოაქვთ მათ! მათ გამოუცხადეს ცივი ომი მთელ ცივილიზებულ სამყაროს! მას შემდეგ, რაც ჩვენ დავრჩებით ბოლო მოკავშირის გარეშე, რუსეთი გადაგვსანსლავს, გაგვიჩაღებს ომს თითოეულ ადამიანს, ქართველს და გაანადგურებს საქართველოს.

ივანიშვილი გვთავაზობს – ან მონობა, ან ომი. სინამდვილეში ჩვენ ვირჩევთ მშვიდობას და ჩვენ ვირჩევთ თავისუფლებას. არა მონობას!”, – განაცხადა მიხეილ სააკაშვილმა.

ავტორი
ნინი ხიჯაკაძე