“როდესაც იქნება შესაბამისი მზაობა ექიმების მხრიდან, მიხეილ სააკაშვილი გადაყვანილი იქნება პენიტენციურ დაწესებულებაში” – რატი ბრეგაძე

იუსტიციის მინისტრი, რატი ბრეგაძე ჟურნალისტებთან კომენტარს აკეთებს საქართველოს მე-3 პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით:

,,მიხეილ სააკაშვილის ჯანმრთელობის მდგომარეობა, რა თქმა უნდა, მუდმივი ზრუნვის და დაკვირვების საგანია. როდესაც იქნება შესაბამისი გადაწყვეტილება მიღებული ამის შესახებ, რა თქმა უნდა, ძალიან მალე გაიგებთ.

მე პირადად ძალიან მოხარული ვარ, რომ მისი ჯანმრთელობის მდგომარეობა არის მკვეთრად გაუმჯობესებული.

როდესაც იქნება შესაბამისი მზაობა ექიმების მხრიდან, ის გადაყვანილი იქნება პენიტენციურ დაწესებულებაში იმიტომ, რომ პრინციპი არის ძალიან მარტივი – მსჯავრდებული პატიმარი სასჯელს იხდის პენიტენციურ დაწესებულებაში”, – განაცხადა რატი ბრეგაძემ.

ავტორი
ნინი ხიჯაკაძე