ანალიტიკოსი ზაალ ანჯაფარიძე, ევროკავშირის მოქმედი თავმჯდომარე ქვეყნის, უნგრეთის პრემიერ-მინისტრის ვიქტორ ორბანის მოსკოვში ვიზიტს ეხმიანება:
“ახლადარჩეულმა ევროპარლამენტმა მიიღო რეზოლუცია, რომელიც გმობს ვიქტორ ორბანის ვიზიტს მოსკოვში.
არადა, ეს კაცი იქ მშვიდობის ფორმულის საძიებლად ჩავიდა და არა მოსკოვის ინტერესების დასაცავად.
და როდესაც ევროპარლამენტი სამშვიდობო მისიას გმობს, გამოდის, რომ ომის გაგრძელებას ემხრობა ან მშვიდობას მხოლოდ საკუთარ პირობებზე.
კონფლიქტის მოგვარება და მშვიდობის დამყარება კი ასე არ ხდება, რომ მე ყველაფერი და შენ არაფერი.
და როდესაც საუბრები მიდის გლობალურ თუ ლოკალურ ომის პარტიებზე, მგონი უკვე შესაძლებელია მათი სახელობითი იდენტიფიცირებაც“, – წერს ფეისბუქის პირად გვერდზე ზაალ ანჯაფარიძე.
