ვანო მერაბიშვილის პატიმრობიდან გათავისუფლების ფაქტს ეხმიანება ყოფილი თავდაცვის მინისტრი, თინა ხიდაშელი და ყოფილ მსჯავრდებულთან მიმართებაში საკმაოდ მძიმე შეფასებებს აფიქსირებს სოციალურ ქსელში:
“ქალაქში ახალი ცირკი ჩამოდგება დღეიდან 🙁
ყოველ ჯერზე როდესაც დღეს ციხიდან გამოსულ კაცზე ისაუბრებთ, ან ეთერში გეყოლებათ ან მის გმირად და რეჟიმის მსხვერპლად წარმოჩენას შეეცდებით ნუ დაგავიწყდებათ, რომ ამით გმირულ საქციელად მიიჩნევთ: პოლიციურ რეჟიმს, რეპრესიებს, დემონსტრაციის შემდეგ დატოვებულ გვამებს, მოპარულ არჩევნებს, ასობით გადამალულ და სასტიკად ნაცემ დემონსტრანტს.
ნუ დაგავიწყდებათ რომ სწორედ ეს კაცია შემოქმედი ქვეყანაში იმ ბოროტების მანქანის რომელიც დღემდე ვერ მოვიცილეთ 🙁
P.S. ან ბოდიში მოიხადე, ან სინანული დაგეტყოს 🙁 ვის ემუქრები? შენ რომ დაამხობ და მერე დაბრუნდები ის ხელისუფლება ისევ დასამხობი რომ იქნება კი უნდა ხვდებოდე უკვე“, – წერს ფეისბუქის პირად გვერდზე თინა ხიდაშელი.