“არჩევნების წინ ძალიან უარყოფითად ვაფასებ მიხეილ სააკაშვილის პატიმრობაში ყოფნას” – ნიკა ჩიტაძე

საერთაშორისო სწავლების კვლევითი ცენტრის დირექტორი, ექსპერტი საერთაშორისო და უსაფრთხოების საკითხებში, პოლიტოლოგი ნიკა ჩიტაძე სააგენტო ,,პარალელთან“ ინტერვიუში საუბრობს საქართველოს მე-3 პრეზიდენტის, მიხეილ სააკაშვილის პატიმრობაში ყოფნასთან დაკავშირებით იმ ფონზე, როცა საპარლამენტო არჩევნებამდე რამდენიმე თვეა დარჩენილი, ხოლო ევროკომისიის დათქმებში ერთ-ერთი მოწოდებაა, რომ ქვეყანას არ უნდა ჰყავდეს პოლიტიკური პატიმრები:

,,არჩევნების წინ ძალიან უარყოფითად ვაფასებ მიხეილ სააკაშვილის პატიმრობაში ყოფნას იმიტომ, რომ ის არის პოლიტპატიმარი. იმ ფონზე როდესაც ჩვენ ვხედავთ, თუ რა დარღვევები აქვთ დღევანდელი ხელისუფლების წარმომადგენლებს ჩადენილი, უშუალოდ თვითონ ბიძინა ივანიშვილს და თვითონ კორუფციაში არიან ჩართულნი, ვთქვათ მაღალჩინოსნები. იგივე, როგორ ძალადობს პოლიცია ხალხზე, თან ყველა არის დაუსჯელი და ამ დროს მიხეილ სააკაშვილი ცნობილია დამნაშავედ.

აქ ნათლად ჩანს, რომ საქმე გვაქვს შერჩევით სამართალთან. საქმე გვაქვს საერთოდ ავტორიტარულ რეჟიმთან. როგორ ხდება, ხო? ვინც არის ავტორიტართან დაახლოებული, მას ყველაფრის უფლება აქვს, ხოლო ვისაც აქვს განსხვავებული მოსაზრება – განიცდის ზეწოლას. მიხეილ სააკაშვილის ციხეში ყოფნა ამის ნათელი დადასტურებაა.

წინასაარჩევნოდ მდგომარეობა არის მეტად მძიმე, რაც ბუნებრივია, რომ ძალიან დიდ პრობლემას ქმნის, თუ როგორ ჩატარდება არჩევნები. არანაირი წინაპირობა იმისა, რომ არჩევნები ჩატარდეს დემოკრატიულად, სამწუხაროდ, არ არსებობს”, – განაცხადა ნიკა ჩიტაძემ.

ავტორი
ნინი ხიჯაკაძე