“ეროვნული ინტერესების და ხალხის ღალატის ფასს ყველა პერსონალურად გადაიხდის!” – გიორგი გახარია ირაკლი რუხაძის პოზიციას ეხმაურება

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია Facebook-ის ოფიციალურ გვერდზე მწვავე განცხადებას აქვეყნებს ტვ ,,იმედის” მფლობელის, ირაკლი რუხაძის მიერ გაკეთებულ განცხადებებთან დაკავშირებით:

,,გუშინდელი სამარცხვინო ინტერვიუს შემდეგ ეს კაცი ივანიშვილის თოჯინებში დაწინაურდა! ის გახდა პირველი ადამიანი, რომელმაც ივანიშვილის დავალებით, ჩვენი ქვეყნის კონსტიტუციის ჩანაწერი კითხვის ნიშნის ქვეშ დააყენა.

ადამიანი, რომელსაც თავად ამერიკის პასპორტი აქვს და ევროპაში ცხოვრობს, საკუთარი ფულის გადასარჩენად და ივანიშვილის დავალებით, საკუთარი პროპაგანდისტული ტელევიზიიდან ჩვენს შვილებს არწმუნებს, რომ ევროპა ცუდია.

ეროვნული ინტერესების და ხალხის ღალატის ფასს ყველა პერსონალურად გადაიხდის!

დროის საკითხია და ეს დრო უკვე მოდის”, – განაცხადა გიორგი გახარიამ

ინფორმაციისთვის: ტვ ,,იმედის” ეთერში გასულ ინტერვიუში გიორგი რუხაძემ კონსტიტუციაში ევროინტეგრაციაზე ჩანაწერს ,,სისულელე” უწოდა.

ავტორი
ნინი ხიჯაკაძე