“ჩვენ, ფაქტობრივად, გვეუბნებიან, რომ ქვეყანაში უნდა იყოს “ჯუნგლების კანონი” და არა სამართლებრივი სახელმწიფო” – შალვა პაპუაშვილი

საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარში მწვავე შეფასებას აკეთებს არასამთავრობო სექტორის ე.წ. ენჯეოების საქმიანობასთან დაკავშირებით:

,,რომელიმე მოქალაქემ რომ ჩათვალოს, რომ ავტობანზე 110 კმ/სთ სიჩქარის შეზღუდვა არის არაკონსტიტუციული, ამიტომ არ დაემორჩილება და ივლის 150 კმ/სთ სიჩქარით, ეს არის მათი წარმოდგენა სამართლებრივ სახელმწიფოზე?

საქმეც ეს არის, რომ ამ ენჯეოების სახით და მათ უკან მდგომი დონორების სახით, რომლებიც ამ ყველაფერს ახალისებენ, რომ იყოს დაუმორჩილებლობა კანონის მიმართ, ჩვენ, ფაქტობრივად, გვეუბნებიან, რომ ქვეყანაში უნდა იყოს ,,ჯუნგლების კანონი” და არა სამართლებრივი სახელმწიფო.

აი, ეს მოიტანა ამ ენჯეოების საქმიანობამ. ნაცვლად იმისა, რომ თუ კი რამეს არ ეთანხმებიან სამართლებრივ მექანიზმებს მიმართონ, გამოდიან და პირდაპირ ამბობენ, რომ ,,დაარღვევენ კანონს”. ვიღაცა გამოვა, იტყვის, რომ ,,არ მოსწონს პარკირების წესი” – ამიტომ არ დაემორჩილება. ვიღაცა იტყვის, რომ ,,წითელი, ყვითელი და მწვანე ფერი არ არის სწორი” და არ დაემორჩილება ამ ფერებს. ვიღაცა არ დაემორჩილება სხვა წესებს.

ეს არის ენჯეოების, აი ეს ხალხი, ეს არის მათი… სინამდვილეში ეს არის მათი ევროპა”, – განაცხადა შალვა პაპუაშვილმა.

ავტორი
ნინი ხიჯაკაძე