პირველი მოწვევის პარლამენტის წევრი, საქართველოს დამოუკიდებლობის აქტზე ხელმომწერი, ბეჟან ჯავახია სააგენტო ,,პარალელთან” ინტერვიუში, გადაცემაში “პარალელი თაიმს”, საუბრობს ,,პოლიტიკურ უცოდველობასთან” დაკავშირებით:
,,მაინტერესებს, რომელია ის უცოდველი, რომელმაც პირველმა უნდა ესროლოს მიშას?! ის უცოდველი, რომელიც ამჯერად არის პარტიის ლიდერი, რომელსაც არ აქვს ეს ცოდვა და პირველი მიშას ესვრის. მაპატიეთ, მაგრამ გახარია ლაპარაკობს, რომლის დროსაც მართლა თვალები დათხარეს – ჩვენ თვალწინ, ახლა, ამ წუთში… მთელი 30 წელი გაატარა ამ სიტუაციით.
მე მგონი, ბესელიას ამბები რომ იყო, მაშინაც ხელისუფლებაში იყო, თუ შემდეგში მოვიდა პროტესტი არ გამოუცხადებია, თუ მის დროს იყო კიდევ უარესი, ან რომელიც გნებავთ… ყველამ გაიარა.
არიან პარტიებში ადამიანები, ,,ქოცების” პარლამენტის თავმჯდომარე იყო ან სხვა მაღალი თანამდებობის წარმომადგენლები. იგივე ბესელია ამ ხელისუფლების ავან-ჩავანი იყო, მთელმა პროცესებმა, ჭუჭყმა მასზე გაიარა.
მე ვამბობ, რომ ამ ადამიანებმა თავიანთ გულში ჩაიხედონ და პირველი ქვა იმან ესროლოს, რომელსაც წარმოუდგენია, რომ არის უცოდველი”, – განაცხადა ბეჟან ჯავახიამ.
ავტორი
ნინი ხიჯაკაძე
