ხუთშაბათი, მარტი 13, 2025
9.8 C
Tbilisi
spot_img
მთავარიდედაქალაქის ამბებიიაპონის საელჩომ დედაქალაქს 100 ძირი საკურას ხის ნერგი...

იაპონის საელჩომ დედაქალაქს 100 ძირი საკურას ხის ნერგი საჩუქრად გადასცა

საქართველოს ეროვნულ ბოტანიკურ ბაღში თბილისის მერმა კახა კალაძემ და იაპონიის ელჩმა გამწვანების აქციაში მონაწილეობა მიიღეს. როგორც ცნობილი გახდა, იაპონიის საელჩომ თბილისს 100 ძირი საკურას ხის ნერგი გადასცა საჩუქრად. კახა კალაძემ მადლობა გადაუხადა იაპონიის საელჩოს და ელჩს, ასევე მზაობა გამოხატა მომავალში ორ ქვეყანას შორის უფრო აქტიური ურთიერთობებისათვის:

იაპონიის საელჩოს ინიციატივით ჩვენ გადმოგვეცა 100 ძირი საკურას ნერგი. მინდა, მადლობა გადავუხადო იაპონიის მთავრობას, იაპონიის საელჩოს და ბატონ ელჩს. ძალიან მნიშვნელოვანია ის ურთიერთობები და თანამშრომლობა, რომელიც არსებობს ჩვენს ქვეყნებს შორის.

დარწმუნებული ვარ, რომ სამომავლოდ ჩვენ ძალიან დიდი რესურსი გვაქვს, რომ ჩვენს ქვეყნებსა და ხალხებს შორის არსებული ურთიერთობები კიდევ უფრო გაღრმავდეს.

იაპონია არის უდიდესი კულტურის მქონე ქვეყანა და ძალიან სასიხარულოა ეს პროექტი, რომელიც ბოტანიკურ ბაღში ხორციელდება. თქვენ იცით, რომ ბოტანიკურ ბაღში არის იაპონური ბაღი. საკურას ხეივანი კიდევ უფრო დაამშვენებს ჩვენს ულამაზეს ბოტანიკურ ბაღს”, – განაცხადა კახა კალაძემ.

იაპონიის ელჩმა ტადაჰარუ უეჰარამ სურვილი გამოთქვა, რომ რამდენიმე წლის შემდეგ, როცა საკურას ხეები აყვავილდება, ქართველები და იაპონელები ერთად დატკბებიან ამ სანახაობით. ასევე, აქცენტი გააკეთა იაპონიასა და საქართველოს შორის აქტიური და მჭიდრო ურთიერთობების შესახებ.

დღეს გამორჩეული დღეა. მოხარული ვარ, რომ ახდა ჩვენი ოცნება და თბილისში დავრგეთ საკურას ნერგები. ამ საკითხზე ჯერ კიდევ 2 წლის წინ ვესაუბრეთ თბილისის მერს.

თბილისისთვის საკურას ნერგების გადაცემის იდეა და ინიციატივა ეკუთვნის იაპონიის კომერციისა და მრეწველობის პალატის ცენტრალური ფედერაციის პრეზიდენტს, იოშიჰისა მორისს.

რამდენიმე წელში ეს საკურა უკვე აყვავდება და იმედი მაქვს, რომ ქართველები და იაპონელები ერთად დასხდებიან და დატკბებიან საკურას ყვავილობით. ამით საკურა, როგორც იაპონიის სიმბოლო, უფრო გააღრმავებს ჩვენს ქვეყნებს შორის ურთიერთობებს“, – განაცხადა იაპონიის ელჩმა ტადაჰარუ უეჰარამ.

გამწვანების აქციაში მონაწილეობა მიიღეს აგრეთვე „ქართული სასწავლებლის“ მოსწავლეებმა, რომლებმაც იაპონელი სტუმრების პატივსაცემად იაპონური სიმღერები შეასრულეს.

ავტორი
თამთა ასლანიშვილი

კომენტარები - დატოვეთ თქვენი მოსაზრება
spot_img

მსგავსი სტატიები

საქართველოში 4.0 (ML) მაგნიტუდის სიდიდის მიწისძვრა მოხდა

დღეს, 2025 წლის თბილისის დროით 15:28 საათზე, თბილისიდან 63...

ჭადრაკის სასახლისა და ალპური კლუბის რეაბილიტაცია დაიწყო

თბილისის განვითარების ფონდმა კოსტავას ქუჩა N37ა-ში მდებარე ჭადრაკის სასახლისა...

ComCom: მოსწავლეებისთვის კონკურსი “ნამდვილი თუ მოგონილი” მეთორმეტედ გამოცხადდა

კომუნიკაციების კომისიამ, მედიაწიგნიერების კონკურსი „ნამდვილი თუ მოგონილი?!“ 10 აპრილიდან...

spot_img

"პარალელის" გამოკითხვა

დღის პოპულარული

“ბიძინა ვადამდელ არჩევნებს მხოლოდ იმ შემთხვევაში დანიშნავს, თუ…” – არჩილ გამზარდია

ანალიტიკოსი, ჟურნალისტი არჩილ გამზარდია თავის მოსაზრებებს გამოთქვამს საქართველოში ახალი...

“მიხეილ სააკაშვილს 12 წელი აბრალებდნენ ყველაფერს, მაგრამ ბოლოს რა დარჩათ? პიჯაკი და პროტოკოლური ყვავილების...

მიხეილ სააკაშვილისთვის განაჩენის გამოტანას ეხმაურება "სტრატეგია აღმაშენებლის" ლიდერი, გიორგი...

“ყოველგვარი წინაპირობის, ანგარიშის და მონიტორინგის გარეშე მივიღეთ სრული აკრედიტაცია” – ნინო დობორჯგინიძე

ილიას სახელმწიფო უნივერსიტეტის რექტორი, ნინო დობორჯგინიძე კომენტარს აკეთებს ილიას...

“უკრაინა მზადაა რაც შეიძლება მალე დაჯდეს მოლაპარაკების მაგიდასთან, რათა მიღწეულ იქნას მდგრადი მშვიდობა” –...

უკრაინის პრეზიდენტი, ვოლოდიმირ ზელენსკი განცხადებას ავრცელებს, სადაც  პროცესების შეფასებას...