“ერთადერთი პოლიტიკური პარტია, რომელიც მიდის ყველანაირ კომპრომისზე და თმობს ძალიან ბევრ პრინციპულ საკითხს – ეს არის “ნაციონალური მოძრაობა”, რომლის გარშემოც არის “ერთიანობა” შექმნილი” – თედო ზოიძე

თედო ზოიძე სააგენტო ,,პარალელთან” ინტერვიუში საუბრობს ოპოზიციური პარტიების გაერთიანების შესახებ:

• ბოლო დღეების განმავლობაში გავრცელდა განცხადებები გაერთიანების შესახებ ვგულისხმობ ,,ახალი, გირჩი მეტი თავისუფლების, დროას” გაერთიანებას და ,,ერთიანობას” როგორ შეაფასებდით ამას?

– ნებისმიერი ოპოზიციური გაერთიანება ჩემთვის არის აბსოლიტურად მისაღები და მე მხოლოდ და მხოლოდ მივესალმები ასეთ გაერთიანებებს.

ბუნებრივია, რომ იქნება რამდენიმე ცენტრი და კონკრეტული პარტიების გარშემო შეიქმნება ეს გაერთიანებები და მე მგონია, რომ პარტია ,,ახალი” ამ გაერთიანებით მნიშვნელოვან როლს ითამაშებს პოლიტიკურ ველზე.

მათ შორის ,,ერთიანობა”, რომელიც არის ,,ნაციონალური მოძრაობის” გარშემო შექმნილი გაერთიანება და დღესდღეობით ერთადერთი პოლიტიკური პარტია, რომელიც მიდის ყველანაირ კომპრომისზე და თმობს ძალიან ბევრ პრინციპულ საკითხს – ეს არის ,,ნაციონალური მოძრაობა”, რომლის გარშემოც არის ,,ერთიანობა” შექმნილი.

ამ გაერთიანებაში მგონია, რომ იქნებიან სხვა პოლიტიკური პარტიებიც და არაერთი დეპუტატი დღევანდელი მოწვევის პარლამენტიდან. ასევე მგონია, რომ პარტია ,,ახალის” გარშემო შექმნილ გაერთიანებაში იქნება თუნდაც, რესპუბლიკური პარტია და ისეთი დამოუკიდებელი დეპუტატები, რომელიც დღეს წარმოდგენილი არიან საქართველოს პარლამენტში.

შესაბამისად, პარტია ახალის და ,,ნაციონალური მოძრაობის” გარშემო შექმნილი ეს გაერთიანება არის აბსოლუტურად მისასალმებელი, რადგან მნიშვნელოვანია, რომ ამომრჩევლის არცერთი ხმა არ დაიკარგოს და თითოეული მოქალაქის ხმა და არჩევანი იყოს წარმოდგენილი საქართველოს პარლამენტში.

ავტორი
მარიამ ხაჩირაშვილი