ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია ტვ ,,პირველის” ეთერში, გადაცემაში რუსუდან დუმბაძის ,,დღის ამბებში” კომენტარს აკეთებს ,,ლელოს” პოლიტიკურ მომავალზე წინასაარჩევნო მოვლენების ფონზე:
,,ჩემთვის ძალიან დიდი მნიშვნელობა აქვს ,,არანაცური” და ,,არაოცნებური” ძალები, როგორ იქნებიან წარმოდგენილნი პარლამენტში.
მერწმუნეთ, რომ ბევრი მიმუშავია და კიდევ ბევრს ვიმუშავებ იმისთვის, რომ როგორმე ,,ლელო” ,,განაცებისგან” გადავარჩინო. მე ამას არც ვმალავ.
ყოველთვის ვამბობდი, რომ ეს ჩემთვის საინტერესოა, მე ვიღაცის ლამაზი თვალები კი არ მომწონს, მე მაქვს ჩვეულებრივი პრაგმატული პოლიტიკური ინტერესი.
პოლიტიკური ინტერესი მდგომარეობს იმაში, რომ რაც შეიძლება მეტი [პარტია] იყოს წარმოდგენილი [პარლამენტში] ,,ნაციონალური მოძრაობის” და ,,ოცნების”, ამ ორი რადიკალური პარტიის გარდა. რა არის ამაში გაუგებარი, ვერ გავიგე?!“, – განაცხადა გიორგი გახარიამ.
ავტორი
ნინი ხიჯაკაძე
