“პაპუაშვილის ეს განცხადება არის დანაშაულებრივი გზის გაგრძელება, რომელსაც “ქართული ოცნების” აწარმოებს საქართველოს მოქალაქეების წინააღმდეგ” – თამარ კორძაია

პოლიტიკური პლატფორმა ,,ერთიანობა საქართველოს გადარჩენისთვის” სახე თამარ კორძაია ჟურნალისტებთან კომენტარს აკეთებს შალვა პაპუაშვილის განცხადებასთან დაკავშირებით, რომელიც მან გააკეთა პარლამენტში გამართულ ბრიფინგზე, რა დროსაც აღნიშნა, რომ 2008 წლის ომის შემდეგ ომგამოვლილ ქვეყანას ნატოს წევრი ქვეყნები ექვსი წლის განმავლობაში იარაღის შესყიდვაზე უარს ეუბნებოდნენო:

,,პაპუაშვილის ეს განცხადება არის დანაშაულებრივი გზის გაგრძელება, რომელსაც “ქართული ოცნების” აწარმოებს საქართველოს მოქალაქეების წინააღმდეგ.

გუშინ ,,ქართული ოცნების” ზახაროვამ ნინო წილოსანმა განაცხადა ასეთი შინაარსის რამ, რასაც ახლა თქვენ ციტირებდით პაპუაშვილის ტექსტიდან – ეს არის ერთადერთი მიზნის მქონე განცხადებები, რომ საქართველოში გააღვივონ სკეპტიციზმი ევროატლანტიკური ალიანსის მიმართ.

მაშინ, როდესაც თუ 30 წლის განმავლობაში ჩვენ ვართ, ვარსებობთ და თბილიში არ ფრიალებს რუსული დროშა – ეს არის სწორედ ნატოს, ევროკავშირის და აშშ-ს მხარდაჭერის შედეგი“, – განაცხადა თამარ კორძაიამ.

ავტორი
ლიკა ჭოჭუა