“საქართველომ უნდა დაამარცხოს ივანიშვილი” – გიორგი გახარია

პარტია ,,საქართველოსთვის” თავმჯდომარე, გიორგი გახარია Facebook-ის ოფიციალურ გვერდზე განცხადებას აქვეყნებს ქვეყანაში მიმდინარე პროცესებთან დაკავშირებით:

,,ნატოს ვაშინგტონის სამიტმა, პირველად 2008 წლის შემდეგ, არ ახსენა საქართველო გაწევრიანების კონტექსტში.

ივანიშვილი და მისი პარტია წარმატებით აგრძელებს საქართველოს ევროატლანტიკური ინტეგრაციის პროცესის, ისევე როგორც ევროკავშირში გაწევრიანების პერსპექტივის და ამერიკასთან სტრატეგიული პარტნიორობის მიზანმიმართულ ნგრევას.

მმართველი პარტია წარმოადგენს პირდაპირ საფრთხეს საქართველოს ეროვნული უსაფრთხოებისთვის. ,,ოცნების” ხელისუფლება ემუქრება ჩვენს სუვერენიტეტს, ტერიტორიულ მთლიანობას, დემოკრატიას და ევროპულ მომავალს.

,,ოცნებას” ქვეყანა ავტორიტარიზმის და იზოლაციისკენ მიჰყავს. საქართველომ უნდა დაამარცხოს ივანიშვილი, რათა შეძლოს დაუბრუნდეს დენოკრატიული განვითარების, ევროპული და ევროატლანტიკური ინტეგრაციის გზას”, – განაცხადა გიორგი გახარიამ.

ავტორი
ნინი ხიჯაკაძე