საპარლამენტო პოლიტიკური ჯგუფის ,,ლელო-პარტნიორობა საქართველოსთვის” წევრი, ანა ნაცვლიშვილი ჟურნალისტებთან კომენტარში საქართველოს ევროინტეგრაციის პროცესის შეჩერების შესახებ საუბრობს:
,,რასაც ჩვენ ახლა ვხედავთ, ეს არის საქართველოს საერთაშორისო იზოლაციაში მოქცევისკენ გადადგმული ძალიან მძიმე ნაბიჯები “ქართული ოცნების” მიერ.
ის ფაქტი, რომ დღეს ხელისუფლება არ არის წარმოდგენილი მათ შორის ამ ფორუმზე, არ იცავს საქართველოს ინტერესებს და არ იცავს საქართველოს ევროპულ გზას, კიდევ ერთხელ ადასტურებს იმას, რომ ხელისუფლებამ მიზანმიმართულად გააკეთა ყველაფერი, რომ დამდგარიყო შედეგი და შედეგი არის ის, რომ ევროინტეგრაციის პროცესი “ოცნებამ” გაყინა“, – განაცხადა ანა ნაცვლიშვილმა.
ინფორმაციისთვის: თბილისში, ორი დღის განმავლობაში, გაიმართება საერთაშორისო კონფერენცია, სახელწოდებით “ევროკავშირის გაფართოება – გეოპოლიტიკური საჭიროება და შემდგომი ნაბიჯები ევროკავშირის კანდიდატი ქვეყნებისთვის”. მასში მონაწილეობას იღებენ ოპოზიციური პარტიებისა და სამოქალაქო სექტორის წარმომადგენლები და არ ესწრებიან საქართველოს ხელისუფლების წარმომადგენლები.
ავტორი
მარიამ ხაჩირაშვილი
