“ოპოზიციას მართებს გაერთიანება და საერთო ოპოზიციური ფრონტის შექმნა რუსული ავტორიტარული რეჟიმის წინააღმდეგ” – თინა ბოკუჩავა

პარლამენტის ფრაქციის ,,ერთიანი ნაციონალური მოძრაობა – ძალა ერთობაშიას” თავმჯდომარე, პარტიის თავმჯდომარეობის კანდიდატი, თინა ბოკუჩავა განცხადებას აკეთებს ოპოზიციის ერთიანობისა და არჩევნების მნიშვნელობის შესახებ:

,,ოპოზიციას მართებს გაერთიანება და საერთო ოპოზიციური ფრონტის შექმნა რუსული ავტორიტარული რეჟიმის წინააღმდეგ, თუმცა, რა თქმა უნდა, ეს გადაწყვეტილება თითოეული პოლიტიკური პარტიის და პოლიტიკური ლიდერის გასაკეთებელია.

ვესაუბრები ძალიან ბევრ საინტერესო ადამიანს, ვინც, მათ შორის, ძალიან აქტიურად მონაწილეობდა იმ საპროტესტო მოძრაობებში, რომელმაც მთელ მსოფლიოს ანახა, რომ საქართველოს ადგილი არის ევროპაში.

მთავარია გამარჯვება და ჩვენი კარი ღიაა იმისთვის, რომ ეს გამარჯვება საერთო ძალისხმევით ერთად მოვიპოვოთ. ნამდვილად არ არის 26 ოქტომბრის არჩევნები პარტიული არჩევნები და მე ვისურვებდი, რომ ყველა ოპოზიცურმა პარტიამ ასე შეხედოს და ასე შეაფასოს,“ – განაცხადა თინა ბოკუჩავამ.

ავტორი
მარიამ ხაჩირაშვილი