ჩემპიონთა ლიგა ლივერპულისთვის არც ისე წარმატებულად დაიწყო. მერსისაიდელებს ატლეტიკოს საკუთარ კედლებში სძლია. მოქმედი ჩემპიონის კარში გოლი მეოთხე წუთზე გავიდა, მისი ავტორი კი საულ ნიგესი გახლავთ.
აღსანიშნავია, რომ დაცვაში კარგად მოთამაშე „ატლეტიკოს“ კარში ლივერპულელებმა ვერც ერთი დარტყმის შესრულება ვერ შეძლეს და მსგავსი რამ კლოპის მწვრთნელობის პერიოდში მხოლოდ მეორედ მოხდა.
„მადრიდელ გულშემატკივრებს, ვინც ბილეთს იშოვის, ველით “ენფილდზე“.
ემოციები მნიშვნელოვანია და დღეს, ბუნებრივია, მთელი სტადიონი მათ მხარეს იყო. დიდი მოლოდინი მაქვს მეორე მატჩისა.
ჯერ მხოლოდ ერთი ნახევარი დასრულდა და 0-1 ვაგებთ. მეორე ნახევარი ჩვენს სტადიონზე იქნება და ისინი ამას იგრძნობენ“, – განაცხადა მატჩის შემდგომ ინტერვიუში იურგენ კლოპმა.
გუნდებს შორის განმეორებითი შეხვედრა 12 მარტს, ლივერპულში გაიმართება.
ავტორი
ანა თათანაშვილი