საერთაშორისო ურთიერთობების სპეციალისტი, გია ჯაფარიძე Facebook-ის პირად გვერდზე სტატუსს აქვეყნებს, სადაც საუბრობს იმასთან დაკავშირებით, თუ რატომ არის საჭირო საქართველოს დაახლოება დასავლურ და ამერიკულ ცივილიზაციასთან:
,,აშშ-მა და ევროპამ დაამარცხა რუსეთი “ცივ ომში” საქართველოს გარეშე, ანაკლიის პორტის გარეშე. აშშ და ევროპის კავშირი უზრუნველყოფდნენ საკუთარ უსაფრთხოებას საქართველოს გარეშე.
ევროპის კავშირმა შექმნა მშვიდობის, კეთილდღეობის და სოციალური დაცულობის ისტორიაში უნიკალური სივრცე, ეგეც მოხდა საქართველოს გარეშე.
აშშ-ს და ევროპის კავშირს საქართველოს გარეშე ცხოვრება შეუძლიათ. საქართველოს სჭირდება არსებობისთვის ევროპის კავშირსა და ნატო-ში გაწევრიანება. საქართველოს სჭირდება ანაკლიის პორტი.
ერთადერთი, რაც დასავლეთს აქ შეიძლება მოსწონდეს, არის ჩვენთან ღირებულებათა თანაზიარობა. თუ დემოკრატია, თავისუფლება, კანონის უზენაესობა, სამართალი, მორალი არ გვინდა, მაშინ საქართველო უინტერესოა დასავლეთისთვის.
ესაა სინამდვილე. დანარჩენი ყველაფერი არის რუსული პროპაგანდა. როცა ამ ღირებულებებს ღალატობს და ღიად მიდის აშშ-ს და ევროპის კავშირის წინააღმდეგ, ,,ქართული ოცნება” ანგრევს საქართველოს სახელმწიფოებრიობას.
აშშ-ს და საფრანგეთის ეროვნული დღეები ახლოვდება და ამაზე გამახსენდა”, – აღნიშნა გია ჯაფარიძემ.
ავტორი
ნინი ხიჯაკაძე
