“მე, როგორც რიგითი ქართველი, კვარას ვგულშემატკივრობ და ვფიქრობ, რომ ის საუკეთესოა მსოფლიოში და ერთ-ერთი მათგანია, ვისაც შეუძლია მოიგოს ოქროს ბურთი” – გიორგი მამარდაშვილი

საქართველოს ეროვნული ნაკრების მეკარე, გიორგი მამარდაშვილი ესპანეთთან უმნიშვნელოვანესი მატჩის წინ გამართულ კონფერენციაზე თავის მოსაზრებებს გამოთქვამს ხვიჩა კვარაცხელიასა და ესპანეთის თამაშის სავარაუდო სტილთან დაკავშირებით:

,,მე, როგორც რიგითი ქართველი, კვარას ვგულშემატკივრობ და ვფიქრობ, რომ ის საუკეთესოა მსოფლიოში და ერთ-ერთი მათგანია, ვისაც შეუძლია მოიგოს ოქროს ბურთი. მაგრამ ეს არ ნიშნავს, რომ მე ესპანეთის ფეხბურთელებს პატივს არ ვცემ, ჩემი RESPECT მათ და რა თქმა უნდა ძალიან მაგრები არიან ისინი, მაგრამ მე როგორც რიგითი ქართველი მგონია რომ კვარა არის მსოფლიოში საუკეთესო.

ჩემი აზრით, ესპანეთი ითამაშებს გახსნილ ფეხბურთს, შეგვიტევენ, მაგრამ ჩვენ უნდა ვითამაშოთ როგორც პორტუგალიასთან, დაცვითი ფეხბურთი კარგად და უშეცდომოდ და შემდეგ გადავიდეთ შეტევაში, რადგან გვყავს სწრაფი ფეხბურთელები. მათ შეუძლიათ ბევრი ხიფათი შექმნან ესპანეთის საჯარიმოში. ასე, რომ ველოდებით რთულ, დაძაბულ თამაშს. ჩემი აზრით ვითამაშებთ უკნიდან, მაგრამ შეტევაში ვიქნებით სახიფათოები’’, – განაცხადა გიორგი მამარდაშვილმა.

ავტორი
მარიამ ხაჩირაშვილი